"Biz azad olmaq üçün qanunun qulu olmalıyıq!"

Saytda axtarış :

Sorğu

Beynəlxalq Təşkilatların (ATƏT-in Minsk qrupu, BMT, AŞ) Dağlıq Qarabağ məsələsində fəaliyyətini qənaətbəxş hesab edirsinizmi?

Bəli
Xeyr
Kifayət qədər məlumatlı deyiləm

 
 

Partnyorlarımız

Şirvan və Hacıqabulda 4 fərdi yaşayış evi Qarabağ müharibəsi əlilləri və şəhid ailələrinə verilib

Şirvan və Hacıqabulda 4 fərdi yaşayış evi Qarabağ müharibəsi əlilləri və şəhid ailələrinə verilib

Əmək və Əhalinin Sosial Müdafiəsi Nazirliyi tərəfindən Şirvan şəhərində və Hacıqabul rayonunda inşa etdirilmiş 4 ədəd yeni fərdi yaşayış evi Qarabağ müharibəsi əlilləri və şəhid ailələrinin istifadəsinə təqdim edilib.

 

Bu barədə Trend-ə Nazirliyin İctimaiyyətlə əlaqələr şöbəsindən məlumat verilib.

 

Evlərin istifadəyə verilməsi tədbirlərində ƏƏSMN yanında Dövlət Sosial Müdafiə Fondunun, həmin rayonların İcra Hakimiyyətlərinin və yerli ictimaiyyətin nümayəndələri iştirak ediblər.

 

Hər birində müasir tələblərə uyğun yaşayış şəraiti yaradılmış evlərin açılış mərasimlərində vurğulanıb ki, Azərbaycan Prezidenti İlham Əliyevin Qarabağ müharibəsi əlilləri və şəhid ailələrinin sosial müdafiəsinə xüsusi diqqət və qayğısı həmin insanların maddi təminatlarının gücləndirilməsi, eləcə də mənzil-məişət şəraitlərinin yaxşılaşdırılması istiqamətində məqsədyönlü addımların atılmasına imkan yaradıb. Azərbaycan Prezidentinin 2014-cü il 20 iyun tarixli Sərəncamının icrası işlərinin davamı olaraq, son iki ildə və cari ilin ötən dövründə ƏƏSMN tərəfindən 607 nəfər Qarabağ müharibəsi əlili və şəhid ailəsi yeni mənzillərlə təmin olunub. O cümlədən cari ildə nazirlik Şəmkir, Tərtər, Salyan, Astara, Füzuli, Zaqatala, Qazax, Sabirabad, İmişli, Şirvan, Hacıqabul və digər rayonlarda yeni fərdi yaşayış evlərini Qarabağ müharibəsi əlillərinə və şəhid ailələrinə təqdim edib. Hazırda bu kateqoriyadan olan şəxslərin mənzillə təminatı yönündə işlər davam etdirilir.

 

Yeni mənzillə təmin olunan Qarabağ müharibəsi əlilləri və şəhid ailələri dövlət tərəfindən diqqət və qayğı ilə əhatə olunduqlarına, bu gün isə yeni yaşayış evləri ilə təmin edildiklərinə görə Azərbaycan Respublikasının Prezidenti İlham Əliyevə dərin minnətdarlıqlarını bildiriblər. Çıxış edənlər ölkəmizin ərazi bütövlüyü, müstəqilliyi və konstitusiya quruluşunun müdafiəsi uğrunda döyüşlərdə əlil olmuş vətəndaşlar və şəhid ailələrinin sosial təminatlarının gücləndirilməsi yönündə həyata keçirilən tədbirlərə də toxunublar. Bu təbəqədən olan şəxslər Azərbaycan Respublikası Prezidentinin aylıq təqaüdü, əmək pensiyası və ya aylıq sosial müavinətlə, eləcə də onların uşaqları aylıq sosial müavinətlə təmin edilirlər. Əlilliyi olan şəxslərin, o cümlədən Qarabağ müharibəsi əlillərinin səmərəli bərpa-müalicə xidmətləri və reabilitasiya vasitələri ilə təminatı diqqət mərkəzində saxlanılır.

 

Sonra tədbir iştirakçıları istifadəyə verilən yaşayış evlərində yaradılmış şəraitlə tanış olublar.

 

Trend.az

Oxunub: 122 | Tarix: 11-09-2017, 12:29 | Kateqoriya:

Xəbərlər

  • flag
  • flag
  • flag
azhumanrights

Təqvim

«    Sentyabr 2017    »
BeÇaÇCaCŞB
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30