"Biz azad olmaq üçün qanunun qulu olmalıyıq!"

Saytda axtarış :

Sorğu

Beynəlxalq Təşkilatların (ATƏT-in Minsk qrupu, BMT, AŞ) Dağlıq Qarabağ məsələsində fəaliyyətini qənaətbəxş hesab edirsinizmi?

Bəli
Xeyr
Kifayət qədər məlumatlı deyiləm

 
 

Partnyorlarımız

Avstraliya parlamentində Xocalı soyqırımı barədə danışılıb

Avstraliya parlamentində Xocalı soyqırımı barədə danışılıb

Avstraliya İttifaqı Parlamentinin Senatında Avstraliya Liberal Partiyasının üzvü, senator Kris Bak Xocalı faciəsi ilə bağlı çıxış edib.

 

AZƏRTAC Avstraliya parlamentinə istinadən xəbər verir ki, senator K.Bak çıxışında yaxın iki həftə ərzində Azərbaycan xalqının ölkə tarixinin ən qanlı faciəsinin 25-ci ildönümünü qeyd edəcəyini bildirib. O, həmin gün qadınlar və uşaqlar da daxil olmaqla, 600-dən çox mülki şəxsin öldürüldüyünü diqqətə çatdırıb. K.Bak fevralın 25-dən 26-na keçən gecə erməni silahlı qüvvələrinin Azərbaycanın Xocalı şəhərini işğal etdiyini, erməni əsgərləri tərəfindən insanların öldürüldüyünü və ya donmağa məhkum edildiyini vurğulayıb.

 

Senator həmin gecə törədilmiş hadisələrin xarakter etibarilə faciəvi və dəhşətli olduğunu bildirərək, 1990-cı illərdə baş vermiş müharibənin fəlakətli fəsadlarının hələ də davam etdiyini söyləyib.

 

Müharibənin fəsadlarını humanitar böhranın ən ağır forması kimi xarakterizə edən K.Bak uğurlu vasitəçilik olmadan atəşkəsin pozulması hallarının və yenilənmiş gərginliyin hərbi münaqişənin yenidən alovlanmasına gətirib çıxaracağını qeyd edib və bu vəziyyətin bütövlükdə Qafqaz regionunda qeyri-sabitliyə yol açacağını vurğulayıb.

 

Sonda senator Azərbaycanın Dağlıq Qarabağ regionunun hazırda Ermənistanın işğalı altında olduğunu qeyd edərək, etnik azərbaycanlıların öz ata-baba yurdlarında məskunlaşmaq hüququnun olduğunu qeyd edib.

 

AZƏRTAC

Oxunub: 15 | Tarix: 15-02-2017, 14:56 | Kateqoriya:

Xəbərlər